تفت الروح كيفك لافتت من
بقايا احشاء صدك لافتت من
عزائي وكلت هايه لافتت من..؟
وانه دمي بركبتك تدري بيه
اعاين عالجسم ناحل شجاراك
وعليه ويه الزمن كلي شجاراك
ابد ما احتمل منك شجاراك
دمار الشامل الفجرته بيه
اجس كلبي اعله شوفك نبض يرداف
وعلي سيل المصايب ردف يرداف
كتلني وعالجنازه كام ير دف
مماتي اجمل عرس سواه اليه
نخيت الله على الهجران ياهاد
عزم كطع الوصال وياي ياهد
لزم سيفه بيمينه وركض يا هاد
وعلى لكمة فقير اللطف بيه
دعيت الباري ميصيبك قدر ما
وهديتك روحي بس ردلي قدر ما
شجاك تقيدت انته قدر ما..؟
كلبجاتك دمن معصم اديه
يحز بعظام هالمعصم وجلباك
وعجيبه النار البكلبي وجل باك
تهده شبيك عالعضه وجلباك
وصل يمي وذكر ساكيه أميه
اناشد منهو لبكدي ترس هــــــــــام
وانه من الضيـم توصلني تره سهـــــــام
رموني من الظهــرغفلــــــه تره اسهام
حرام من الصدر جروهه اليه
حرب لو موت يم شوفك تره الجام
حجر مابيدي راحلتي تره اللجام
اصرخت مرعوب من نومي تره الجام
تشظه اسيوف رأسن نزل بيه
صدك همهم كتلني قارب الهم
وكلب شيريد منهم قارب الهم
غركوا صرت الهم قارب الهم
نجوا نارونفط حطوا عليه
اخذلك كلب حبهم ما خذلهم
وعكل محتار بيهم ماخذه الهم
خذت والله هديه ماخذ الهم
روح مشككه هاي الهديه
انهدم كلبي بجفاك شلون يوحن
وتعابيرك مذله وياي يوحن
اذا متاني اذان الموت يوحان
جفن موتي اشكه بذني اديه
اما تدري البقه بحالي يرح من
جفاك سيوف هدني يرحمن
دعيت الباري الي يردك يرحمان
دعيته وجابك بتابوت اليه
خرز ليلو وتطشر لمك اته
عجيب الدمع لجلك لما اكته
اجيت اجمل هديه لامك اته
وجبت حبل الممات وياك اليه
كلبي بطرف كلبك ما يهده
ويون تدري اعله شوفك ما يهده
تعال وشوف دمعه ما يهده
لون هده الوطيه تفيض بيه
انشدك عن وليفي ما تعده
والي كلب بغيابه مات عده
ادعي اعليه اخافن ما تعده
وارد ادعي واكولن كون بيه
دكف عني الظليمه ارجوك كفناي
وحزن نايك دبطله ارجوك كف ناي
دخيلك لاتشكه ارجوك كفناي
شماته من الكبور تحيط بيه
قبل دلالي اشيلنك واعزلاك
واعرفه الفرقك عني وعزلاك
هدالك سيف تذبحني وعز لاك
وطلب بعد الذبح تلطم عليه
زمن هذا الي يولي مني وله
نظر عيني بغيابك مني وله
ترد كلبي الاخذته مني وله ..؟
تخلي العمه يتفرج عليه
على ضي الكمر من لاح ضيته
ولابيدي اللزمته ولاحضيته
لجن يوم الي شفته لاحضيته
عليه شفت عسل تنكط عليه
سريت وما عرفت منين وجهاك
وعفت كلب بغيابك نار وج هاك
اصيح وانته عني اتدور وجهاك
وبذن طرشه نطيت الظهر ليه
الأحد سبتمبر 08, 2013 7:54 pm
